Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 79 Hüküm no: 49 Orijinal metin no: [15b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Merger b. Maro adlı zimmînin bağını istiğlâl yoluyla Mustafa Ağa Vakfı’na sattığı Galata muzâfâtından Beşiktaş kasabası mahallâtından Sinanpaşa mahallesinde sâkin Merger b. Maro nâm zimmî meclis-i şer‘a hâzır olup işbu akdin kendisinden sudûruna kadar mâliki olduğu ve taht-ı tasarrufunda bulundurduğu, Küçük Ayazma kurbünde, kasaba-i mezbûre bağları arasında vâki‘, hudûdu bir tarafından Andi v. Kosta bağı, bir tarafından Yani v. Mihal bağı, bir tarafından Manol v. ( ) bağı, bir tarafından Raspas bağı ile mahdûd bulunan cemî‘ bağını cümle tevâbi‘i ve levâhıkı ile râyicü’l-vakt otuz beş riyâli guruş semen-i mu‘ayyen-i makbûzla hadâik-ı sultâniyeden liman-ı cedîd bağçesinde vâki‘ merhûm Mustafa Ağa vakfı mütevellîsi hâmil-i hâze’l-kitâb Hüseyin Usta b. Abdülmennan’a bey‘ ettiğini ikrâr eyledi. Mütevellî-yi mezbûr da vakf-ı mezkûr mâlıyla ve istiğlâl maksadıyla mezbûr bağı iştirâ etti. Bâyi‘-i mezbûrun istîcârı üzere mütevellî-yi merkūm zeylde mezkûr târîhden bir sene tamâmına râyicü’l-vakt üç yüz otuz akçe ücret-i kirâ ile bağ-ı mesfûru kendisine icâreye verdi. Sonra mahalle-i mezbûre sükkânından zimmî-i mezkûrun ammisi Yani v. Nikola meblağ-ı mezbûra îcâb ve kabûlü havî kefâletle kefîl oldu. Cerâ zâlike ve hurrire fi’l-yevmi’s-sânî aşere mine’l-Muharremi’l-harâm li-sene isneteyn ve sittîn ve elf. Şühûdü’l-hâl: Mahmud Efendi [b.] İbrahim, Mustafa Çelebi b. İbrahim, Kurd Çelebi el-müezzin, Hüdâverdi