Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 101 Hüküm no: 82 Orijinal metin no: [25a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kaçak olarak yakalanan köle Madire b. Abdullah’a nafaka tayini Kasaba-i Beşiktaş’da bi’l-fi‘il subaşı ve zâbit-i avâbık olan fahrü’l-akrân Ali Bey b. Mustafa meclis-i şer‘de işbu uzun boylu Zengiyyü’l-asl hâzır bi’l-meclis olup üzerinde köhne beylik dolama ve başında barata ve bir siyâh şalvar abası olan Madire b. Abdullah nâm abd muvâcehesinde takrîr-i kelâm ve ta‘bîr ani’l-merâm edüp mezbûr Madire’yi târih-i kitâb günü subha karîb kasaba-i mezbûrede vâki‘ kefere mahallesinde gider iken ahz eyledim suâl olunup rıkkını i‘tirâf ederse mevlâsı zuhûr edince kıbel-i şer‘den nafaka takdîr olunmasın taleb ederim dedikde gıbbe’s-suâl evsâf-ı mezkûre ile mevsûf olan Madire rıkk u ibâkını i‘tirâf etmeğin yevmî sekizer akçe nafaka takdîr olunup vakt-i hâcetde istidâneye mezbûr Ali Bey’e izin birle mâ-vaka‘a bi’t-taleb ketb olundu. Fi’l-yevmi’s-sâdis ve’l-ışrîn min-Saferi’l-hayr li-sene isneyn ve sittîn ve elf. Şühûdü’l-hâl: Mehmed Beşe b. Ahmed, Mahmud Beşe b. Mustafa, Mehmed Beşe b. Derviş, Hudâverdi Beşe b. Abdullah, Himmet Beşe b. Mahmud, Zülfikār Bey b. Mehmed