Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 104 Hüküm no: 89 Orijinal metin no: [26b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Portakal cemaatinden Yahudi Abba v. İsak’ın cariyesi Ribonye bt. Zenit’i azad ettiği Mahmiye-i Galata muzâfâtından kasaba-i Beşiktaş’a tâbi‘ Kuruçeşme nâm karye sâkinlerinden olup Portakal cemâ‘atinden Abba v. İsak nâm Yahudi mahfil-i kazâda kendüye rıkkın mu‘terife işbu hâzıratü bi’l-meclis orta boylu açık kaşlı gök elâ gözlü ve sol gözü yanında hâl-i lahmîsi Hırvatiyyetü’l-asl? râfi‘atü hâze’s-sifr [Ri]bonye bt. Zenit nâm câriyesi muvâcehesinde bi-tav‘ihî ikrâr ve takrîr-i kelâm edüp bundan akdem câriyem mezbûre Ribonye’yi yüz kıt‘a riyâlî guruş-ı kebîre kitâbete kesmiş idim. Hâlâ bedel-i kitâbetden elli kıt‘a riyâlî guruşunu yedinden ahz u kabz eyleyüp bâkī elli riyâlî guruşu edâ ve teslîme kudreti olmayıp izhâr-ı acz eylediğinde ben dahi meblağ-ı bâkī elli guruş mukābelesinde târih-i kitâbdan dört sene tamâmına değin bilâ-hıyânetin ve lâ-ibâk hizmet etmek üzere kitâbete kesip müddet-i mezkûre tamâm oldukda malımdan âzâd olup sâir harâir-i asliyyât gibi hürre olsun dedikde câriye-i mezbûre dahi minvâl-i muharrer üzere kitâbet-i merkūmeyi kabûl ve mûcebini iltizâm eyledikde işbu hurûf ber-sebîl-i temessük ketb olundu. Fi’l-yevmi’l-âşir min-şehri Rebî‘i’l-evvel li-sene isneteyn ve sittîn ve elf. Şühûdü’l-hâl: Mustafa Efendi el-İmâm, Musa Halîfe el-Müezzin, İsmail Beşe b. Hasan, Mehmed Beşe b. Abdullah, Ahmed Beşe b. Edhem, Ömer Bey b. Süleyman, Nasûh Çelebi b. Hüseyin, Zülfikār b. Mehmed, Mehmed Beşe b. Şaban, Dilâver b. Abdullah ve gayruhüm.