Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 105 Hüküm no: 90 Orijinal metin no: [26b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rüstem Bey b. Abdullah’ın Nakridis v. Nektes’de alacağı olduğu Vilâyet-i Rumeli-i ma‘mûrede vâki‘ Ahyolu kazâsı kurâsından Ahyeldi? karyesinde sâkin Nakridis v. Nektes? nâm zimmî meclis-i şer‘-i şerîf-i garrâ ve mahfil-i tarîkat-i refî‘a-i zehrâya hâzır olup, mahmiye-i Kostantıniyye’de vâki‘ hadîka-i hâssa’da sâkin olan Bostancı Rüstem Bey b. Abdullah’ın karz-ı şer‘î cihetinden zimmetinde râyicü’l-vakt on altı bin iki yüz akçe lâzimü’l-edâ ve vâcibü’l-kazâ hakkı olduğunu ikrâr ve i‘tirâf eyledi. Bunun beş yüz akçesi müşterâ-yı makbûz çuka bahâsından olup zeyl-i vesîkada mezkûr târîhden yüz seksen güne müecceldir. Vâki‘ ikrâr dâyin-i mezbûr Rüstem Bey tarafından vicâhen ve şifâhen tasdîk edildi. Cerâ zâlike ve hurrire fi’l-yevmi’l-hâmis aşere min-şehri Rebî‘i’l-evvel li-sene isneteyn ve sittîn ve elf. Şühûdü’l-hâl: Musa Beşe b. Derviş el-Bostanî, Ali Beşe b. Abdullah, İbrahim Bey b. Ahmed Ağa, Mehmed Bey b. Ahmed Ağa el-mezbûr, Hüseyin Beşe bölükbaşı, Mehmed Çelebi el-muhzır, Mehmed Çelebi b. Ramazan ve gayrühüm