Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 125 Hüküm no: 121 Orijinal metin no: [36a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nikola v. Dimo’nun Ali Ağa Vakfı’ndan bey‘ bi’l-istiğlâl yoluyla ödünç para aldığı Sinanpaşa mahallesinde sâkin Nikola v. Dimo nâm zimmî meclis-i şer‘-i şerîfe hâzır olup işbu akdin kendilerinden sudûruna kadar mâliki olduğu ve taht-ı tasarrufunda bulundurduğu, Arnavud karyesinde vâki‘, bir tarafından Yahudi İliya bağı, bir tarafından İliyana bağı, bir tarafından Hristodori bağı, bir tarafından tarîk-ı âm ile mahdûd bulunan cemî‘ bağını râyicü’l-vakt otuz beş riyâlî guruş semen-i mu‘ayyen-i makbûzla merhûm Ali Ağa Vakfı’na mütevellî olan bevvâb-ı sultânî hâmil-i hâze’l-kitâb Receb Bey b. Abdullah’a bey ettiğini ikrâr ve i‘tirâf eyledi. Mezbûr Receb Bey de vakf-ı mezkûr malıyla ve istiğlâl maksadıyla bağ-ı merkūmu iştirâ etti. Bâyi‘-i mezbûrun istîcârı üzere mütevellî-i mezkûr zeyl-i vesîkada muharrer târîhden bir sene tamâmına dört yüz yirmi akçe ücret-i kirâ ile bağı kendisine icâreye verdi. Vâki‘ ikrâr mütevellî-yi mezbûr tarafından vicâhen ve şifâhen tasdîk edildi. Cerâ zâlike ve hurrire fi’l-yevmi’l-hâmis aşere min-Cumâdelûlâ li-sene isneteyn ve sittîn ve elf. Şühûdü’l-hâl: Mehmed b. Ramazan, Hüseyin b. Mehmed, Mustafa b. Mehmed ve gayrühüm