Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 127 Hüküm no: 125 Orijinal metin no: [37a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahmud Bey b. Muharrem’in evini Muharrem b. Mustafa’ya sattığı Kasaba-i Beşiktaş’da vâki‘ merhûm Sultân Süleyman Hân mahallesinde sâkin Mahmud Bey b. Muharrem mahfil-i kazâda işbu hâfızü’l-vesîka Muharrem b. Mustafa muvâcehesinde ikrâr ve i‘tirâf edüp mahalle-i mezbûrede vâki‘ ma‘lûmü’l-hudûd tahtânî iki bâb odayı ve muhavvata ve büyük bi’r-i mâyı ve kenîfi müştemil mülk menzilimi cümle tevâbi‘ [37b] ve levâhıkı ile üç bin dört yüz râyic fi’l-vakt akçeye mersûm Muharrem’e tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ ve teslîm edüp kabz-ı semen-i ma‘dûd ve teslîm-i mebî‘-i mahdûd eyledim ba‘de’l-yevm zikr olunan menzil mersûm Muharrem’in mülk-i müşterâsıdır keyfe mâ yeşâ ve yehtâr mutasarrıf olsun deyicek gıbbe’t-tasdîki’ş-şer‘î vicâhen mâ-vaka‘a bi’t-taleb ketb olundu. Fî-evâsıtı Cumâdelûlâ li-sene isneteyn ve sittîn ve elf. Şühûdü’l-hâl: Mustafa Efendi el-İmâm, Osman b. ( ), Mir Mehmed b. Ali Efendi Müezzin, Usta Kasım b. Mehmed, Mehmed b. Kırimî, Ali b. Mustafa ve gayruhüm.