Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 133 Hüküm no: 135 Orijinal metin no: [40a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman b. Hüseyin’in evini Derviş b. Mustafa el-Cündî’ye sattığı Mahmiye-i Galata muzâfâtından kasaba-i Beşiktaş’a tâbi‘ Sinanpaşa mahallesinde sâkin Osman b. Hüseyin mahfil-i kazâda Derviş b. Mustafa el-Cündî muvâcehesinde ikrâr ve i‘tirâf edüp silk-i mülkümde münselik mahalle-i mezbûrede vâki‘ ma‘lûmü’l-hudûd fevkānî iki bâb beyti ve dehlîzi ve mahtabı ve iki bi’r-i mâyı ve bahçeyi müştemil menzilimi cümle tevâbi‘ ve levâhıkı ile târih-i kitabdan semeni yüz altmış gün tamâmına dek semen-i müeccel ve mev‘ûd [40b] olmak üzere fıddî-i Osmânî râyic fi’l-vakt on altı bin beş yüz akçeye bey‘-i bâtt-ı kat‘î ile bey‘ ve teslîm edüp ol dahi minvâl-i muharrer üzere iştirâ ve tesellüm ve kabz eyledi deyicek gıbbe’t-tasdîki’ş-şer‘î vicâhen mâ-vaka‘a bi’t-taleb ketb olundu. Fi’l-yevmi’s-sâdis aşer min-Cumâdelâhire li-sene isneteyn ve sittîn ve elf. Şühûdü’l-hâl: Mehmed Bey b. Ubeyd Tavîl, İbrahim Bey el-Cündî, Derviş Ali, Ahmed Çelebi b. Mehmed el-Cündî, el-Hâc Selim [b.] Abdullah.