Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 137 Hüküm no: 145 Orijinal metin no: [43a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rahime bt. Musa’nın kocası Yusuf Bey’le anlaşarak boşandığı (muhâla‘a) Kasaba-i Beşiktaş mahallâtından Sinanpaşa mahallesinde sâkine Rahime bt. Musa nâm hatun kıbelinden husûs-ı âti’z-zikre vekâleti Seyyid Mehmed b. Mustafa ve Mehmed Çelebi b. Mustafa nâm kimselerin şehâdeti ile sâbit olan Mehmed Ağa b. Ömer Ağa meclis-i şer‘a hâzır olup müvekkile-i mezbûresinin râfi‘-i hâze’l-kitâb Yusuf Bey b. Mehmed nâm zevci ile muhâla‘a ettiğini ikrâr eyledi. Zevc-i mezbûr dahi nikâhında ma‘kūdün-aleyh râyicü’l-vakt altı yüz akçe mehr-i müecceli, ilm-i şer‘î ile beynlerinde ma‘lûm nafaka-i iddeti ve meûnet-i süknâsı mukābelesinde zevce-i mezbûresi ile hul‘ eyledi. Mezbûre Rahime bu sûretle akd-i cedîd ve mehr-i müste’nif olmadan zevc-i mezkûra helâl olmayacak şekilde bâyinen ayrılmış oldu. Sonra hukūk-ı zevciyyete müte‘allik cemî‘ de‘âvî, eymân, mutâlebât ve muhâsamâtdan her biri diğerinin zimmetini ibrâ-yı âmm-ı kātı‘an li’n-nizâ‘ ve râfi‘an li’l-husûmet ile ibrâ etti. Cerâ zâlike ve hurrire fî-evâhiri Cemâziyelâhire li-sene isneteyn ve sittîn ve elf. Şühûdü’l-hâl: Ali Bey b. Mehmed, Eyüb Efendi b. Sâlih, Ömer Bey b. Mehmed, Mehmed Çelebi b. Mehmed, Ali b. Mehmed, Mustafa Beşe b. Murad ve gayrühüm