Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 141 Hüküm no: 152 Orijinal metin no: [45a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hatun bt. Mustafa Ağa boşandığı kocasındaki mehr-i müeccelini alıp getirmesi için Havva Hatun bt. Mehmed’i vekil tayini Mahmiye-i Galata’ya tâbi‘ kasaba-i Beşiktaş mahallâtından Cihânnümâ mahallesi sâkinelerinden Âişe Hatun bt. Mustafa Ağa mahfil-i kazâda işbu râfi‘atü’l-kitâb Havvâ bt. Mehmed nâm hatun mahzarında ikrâr ve takrîr-i kelâm edüp zevc-i mutallıkım Hüseyin Efendi nâm kimesne zimmetinde mütekarrer olan yirmi beş bin akçe mehr-i müeccel hakkımı da‘vâ ve taleb, ahz u kabz ve bana îsâle mütevakkıf olduğu umûrun cümlesine merkūme Havvâ Hatun’u tarafımdan vekîl ve nâib-i menâb nasb u ta‘yîn eyledim ol dahi vech-i muharrer üzere vekâlet-i mersûmeyi kabûl ve hizmet-i lâzımesin edâya ta‘ahhüd ve iltizâm eyledi dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Tahrîren fi’l-yevmi’t-tâsi‘ min-şehri Receb sene 1062 Şühûdü’l-hâl: İbrahim Ağa b. Hasan, Mustafa Beşe [b.] Ali, Ahmed Ağa b. Sefer, Derviş Mahmud b. Mehmed ve gayruhüm.