Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 146 Hüküm no: 161 Orijinal metin no: [47b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Neslihan bt. Mehmed’in Derviş Mehmed b. Ata Dede’ye ait altın yüzüğü çalmadığına yemin ettiği Mahmiye-i Galata’ya tâbi‘ kasaba-i Beşiktaş’da Hanımhatun mahallesi sâkinlerinden Derviş Mehmed b. Ata Dede mahfil-i kazâda câr-ı mülâsıkı işbu sâhibetü’l-kitâb Neslihan bt. Mehmed nâm bikr-i bâliğa muvâcehesinde üzerine da‘vâ ve takrîr-i kelâm edüp bundan akdem Hamide nâm hatun bana bir bîrûze taşlı altın hâtem emânet vaz‘ eyleyüp ben dahi alıp menzilim içinde kiremit altında komuş idim hâlâ hâtem-i mezbûr menzilimden sirka olunup zann-ı gālibim merkūme Neslihan’dandır suâl olunup hâtem-i mezkûru sirkat eylemediğine yemîn eylemesi matlûbumdur dedikde gıbbe’s-suâl mersûme Neslihan müdde‘î-i mezbûra emânet vaz‘ olunan hâtemi sirkat eylemediğine yemîn billâhi’l-azîm eylemeğin mâ-vaka‘a bi’t-taleb ketb olundu. Tahrîren fi’l-yevmi’r-râbi‘ aşer min-şehri Recebi’l-ferd li-sene isneyn ve sittîn ve elf. Şühûdü’l-hâl: Es-Seyyid Abdülbâkī Hatib, Yahya Çelebi Müezzin, Hasan Bey b. Ferhad, Ali Bey b. Mustafa, Mustafa Muhzır.