Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 152 Hüküm no: 169 Orijinal metin no: [50b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Veli’nin evini Saliha bt. Mustafa’ya üç yıllığına kiraladığı Mahmiye-i Galata hısnı ebvâbından Azabkapısı dâhili sâkinelerinden Âişe bt. Veli nâm hatun meclis-i şer‘-i hatîr-i lâzımü’t-tevkīrde üvey vâlidesi işbu bâ‘isü’l-kitâb Saliha Hatun ile Mustafa mahzarında bi-tav‘ihâ ikrâr ve takrîr-i kelâm edüp mahmiye-i mezbûreye tâbi‘ kasaba-i Beşiktaş mahallâtından Sultân Süleyman Hân mahallesinde vâki‘ lede’l-ahâlî ve’l-cîrân ma‘lûmü’l-hudûd ve’l-müştemilât menzilimi işbu bin altmış iki senesi Recebi gurresinden bin altmış beş senesi Şa‘bânü’l-mu‘azzamı’nın selhine varınca beher şehr yetmiş akçeden cem‘an iki bin altı yüz altmış akçe icâre-i tavîle ile mezbûre Saliha Hatun’a îcâr ve teslîm edüp ol dahi vech-i muharrer üzere istîcâr ve tesellüm eyledikden sonra meblağ-ı mezbûr iki bin altı yüz altmış akçe icâreyi merkūme Saliha Hatun yedinden ber-vech-i peşîn alıp kabz eyledim ba‘de’l-yevm Saliha Hatun yedinden ber-vech-i peşîn alıp kabz eyledim ba‘de’l-yevm müddet-i merkūme hulûlüne değin menzil-i merkūma mutasarrıfe olsun dedikde gıbbe’t-tasdîki’ş-şer‘î mâ-hüve’l-vâkı‘ bi’t-taleb ketb olundu. Fî-gurreti Şa‘bâni’l-mu‘azzam li-sene isneteyn ve sittîn ve elf. Şühûdü’l-hâl: Mehmed Beşe b. Mahmud, Mustafa Ağa b. ( ) el-cündi, Ahmed Bey b. Mustafa el-cündi, el-Hâc Ali câbî-i Pertev Paşa, Mehmed Çelebi b. Abdurrahman, Ömer Ağa b. Abdullah, Mustafa Beşe b. Mehmed ve gayruhüm.