Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 155 Hüküm no: 172 Orijinal metin no: [51b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Despino bt. Yorgi’nin beş yüz akçe mehir ile Yorgi v. İstati ile evlendiği Mahmiye-i Galata’ya tâbi‘ kasaba-i Beşiktaş’da sâkine Despino bt. Yorgi nâm zimmiyye mahfil-i kazâda işbu râfi‘ü’s-sifr Yorgi v. İstati nâm zimmî muvâcehesinde bi-tav‘ihâ ikrâr ve takrîr-i kelâm edüp nefsimi beş yüz akçe mehr-i mü’eccel üzerine mezbûr Yorgi’ye tezvîc eyleyüp ol dahi vech-i muharrer üzere tezevvüc ve kabûl eyledi dedikde Nasrâniyye-i mezbûrenin vech-i meşrûh üzere cârî ve sâdır olan ikrârını mersûm Yorgi bi’l-müvâcehe tasdîk ve bi’l-müşâfehe tahkīk etmeğin işbu hurûf ber-sebîl-i temessük olunup yed-i tâlibe def‘ ve vaz‘ olundu. Tahrîren fi’s-sâbi‘ min-Şa‘bâni’l-mu‘azzam li-sene isneteyn ve sittîn ve elf. Şühûdü’l-hâl: Mustafa Çelebi berber, Mehmed Çelebi b. Veli, Esad Çelebi [b.] Mustafa, Ahmed Çelebi kâtib, Mustafa Beşe muhzır.