Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 155 Hüküm no: 173 Orijinal metin no: [51b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mosi v. Sadaka’nın Beşiktaş’taki evini sattığı Ohan v. Hambak’ta herhangi bir alacağı kalmadığı Mahrûse-i Kostantıniyye’de vâki‘ Lanka kurbünde Hasbek? mahallesi sâkinlerinden Mosi v. Sadaka nâm Ermeni meclis-i şer‘-i hatîr-i lâzımü’t-teşrîfde işbu râfi‘ü’s-sifr Ohan v. Hambak nâm Ermeni muvâcehesinde bi-tav‘ihî ikrâr ve takrîr-i kelâm edüp mahmiye-i Galata’ya tâbi‘ kasaba-i Beşiktaş mahallâtından Sinanpaşa mahallesinde vâki‘ lede’l-ahâlî ve’l-cîrân ma‘lûmü’l-hudûd ve’l-müştemilât mülk menzilimi târih-i kitâbdan dört buçuk sene mukaddem mezbûr Ohan’a otuz iki bin nakd-i râyic fi’l-vakt akçeye bey‘-i kat‘î ile bey‘ ve teslîm ol dahi iştirâ ve tesellüm eyledikden sonra semen-i mezkûrdan yirmi altı bin akçeyi [52a] mukaddemâ mezbûrun yedinden kabz edüp altı bin akçesi zimmetinde bâkī kalmış idi el-hâletü hâzihî meblağ-ı bâkī altı bin akçeyi dahi mezbûr Ohan yedinden bi’t-tamâm ve’l-kemâl ahz u kabz eyledim ba‘de’l-yevm sâlifü’z-zikr menzilin semeninden merkūm Ohan zimmetinde bir akçe ve bir habbe bâkī kalmadı dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Tahrîren fi’l-yevmi’s-sâmin min-Şa‘bâni’l-mu‘azzam li-sene isneteyn ve sittîn ve elf. Şühûdü’l-hâl: Mahmud Çelebi b. Mehmed, Mustafa Çelebi b. Mehmed, Mehmed Ağa b. Şaban, Ahmed Kapudan b. Ali, el-Hâc Yusuf b. Abdullah, Mehmed Beşe b. Piyale, Hıristo Kulu v. Yamandi, Oskar v. Yorgi, Matoz v. Mardiros, Anastaş v. Anton, gayruhüm mine’l-hâzırîn.