Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 157 Hüküm no: 176 Orijinal metin no: [52b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yaşadı bt. Kostantin’in iki bin akçe mehir ile Havyarcı İlya v. Dimitri ile evlendiği Mahmiye-i Galata’ya tâbi‘ kasaba-i Beşiktaş’da Sinanpaşa mahallesi sâkinelerinden Yaşadı bt. Kostantin nâm Nasrâniye mahfil-i kazâda işbu râfi‘ü’s-sifr Havyarcı İlya v. Dimitri nâm zimmî muvâcehesinde bi-tav‘ihâ ikrâr ve takrîr-i kelâm edüp nefsimi iki bin akçe mehr-i mü’eccel üzerine mezbûr İlya nâm zimmîye tezvîc edüp ol dahi ber-vech-i muharrer tezevvüc ve kabûl eyledi dedikde mukırre-ı mezbûrenin cârî ve sâdır olan ikrârını merkūm İlya bi’l-müvâcehe tasdîk ve bi’l-müşâfehe tahkīk etmeğin mâ-vaka‘a bi’t-taleb ketb olundu. Tahrîren fi’l-yevmi’l-âşir min-Şa‘bâni’l-mu‘azzam li-sene isneteyn ve sittîn ve elf. Şühûdü’l-hâl: Hasan Beşe b. Abdullah, Mehmed Beşe b. Ramazan, Esad Çelebi b. Mustafa, Cafer Beşe b. Mehmed, Nikola v. Kaloriz, İstati v. Karaca ve gayruhüm mine’l-hâzırîn.