Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 167 Hüküm no: 190 Orijinal metin no: [58b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine bt. Mehmed’in kocası Seyyid Mehmed’le anlaşarak boşandığı (muhâla‘a) Mahmiye-i Galata tevâbi‘inden Kasaba-i Beşiktaş mahallâtından Maçka mahallesinde sâkine Emine bt. Mehmed nâm hatun meclis-i şer‘-i şerîf-i şâmihü’l-imâd ve dîn-i münîf-i râsihu’l-evtâdda hâzıra olup bâ‘is-i hâze’l-kitâb Seyyid Mehmed b. Ali nâm zevci ile muhâla‘a ettiğini ikrâr eyledi. Zevc-i mezbûr dahi nikâhında ma‘kūdün-aleyh râyicü’l-vakt bin akçe mehr-i müecceli, ilm-i şer‘î ile beynlerinde ma‘lûm nafaka-i iddeti ve meûnet-i süknâsı mukābelesinde zevce-i mezbûresi ile hul‘ eyledi. Mezbûre Emine bu sûretle akd-i cedîd ve mehr-i müste’nif olmadan zevc-i mezkûra helâl olmayacak şekilde bâyinen ayrılmış oldu. Sonra hukūk-ı zevciyyete müte‘allik cemî‘ de‘âvî, eymân, mutâlebât ve muhâsamâtdan her biri diğerinin zimmetini ibrâ-yı âmm-ı kātı‘an li’n-nizâ‘ ve râfi‘an li’l-husûmet ile ibrâ etti. Cerâ zâlike ve hurrire fi’l-yevmi’l-hâmis ve’l-ışrîn min-Şa‘bâni’l-mu‘azzam li-sene isneteyn ve sittîn ve elf. Şühûdü’l-hâl: Es-seyyid Ahmed b. Mehmed, İbrahim Çelebi b. Abdülmennan, Mehmed Çelebi b. Receb, Ahmed Beşe b. Mehmed, Resul b. Sefer, Mehmed b. Ramazan, Mehmed Çelebi b. Mahmud, Mustafa Beşe b. Mehmed, Ca‘fer Beşe b. Mehmed, Ahmed Çelebi b. Ali ve gayrühüm