Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 169 Hüküm no: 193 Orijinal metin no: [59b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Ağa’nın kölesini dövdüğü iddiasıyla Panayot v. Dano aleyhine açtığı davadan vazgeçtiği Mahmiye-i Galata’ya tâbi‘ kasaba-i Beşiktaş’da Sinanpaşa mahallesi sâkinlerinden Mehmed Ağa b. Mahmud nâm kimesne mahfil-i kazâda işbu râfi‘ü’s-sifr Panayot v. Dano nâm zimmî muvâcehesinde ikrâr ve takrîr-i kelâm edüp bundan akdem mezbûr Panayot işbu hâzır bi’l-meclis Hüseyin b. Abdullah nâm abd-i memlûkümü bi-gayrı vech-i şer‘î darb etmekle ben dahi mûcib-i şer‘îsin da‘vâ ve taleb eylediğimde merkūm Panayot husûs-ı merkūma münkir olmağla el-hâletü hâzihî da‘vâ-yı mezkûremden ferâgat edüp mezbûr Panayot’un zimmetini ibrâ ve ıskāt eyledim ba‘de’l-yevm husûs-ı mezkûra müte‘allik merkūm Panayot ile da‘vâ ve nizâ‘ım yokdur dedikde gıbbe’t-tasdîki’ş-şer‘î mâ-vaka‘a Panayot talebiyle ketb olundu. Tahrîren fi’l-yevmi’l-hâmis ve’l-ışrîn min-Şa‘bâni’l-mu‘azzam li-sene isneteyn ve sittîn ve elf. Şühûdü’l-hâl: Mustafa Beşe b. Mehmed, Cafer Beşe b. Mehmed, Mehmed Çelebi b. Ramazan, Mehmed Çelebi b. el-Hâc Mahmud.