Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 176 Hüküm no: 206 Orijinal metin no: [64a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Karısı Mitori’yi dövdüğü iddiasıyla aleyhine dava açılan Marko’nun mahkemeye gelmediği Mahmiye-i Galata muzâfâtından kasaba-i Beşiktaş’a tâbi‘ Arnavud nâm karye sâkinlerinden işbu râfi‘atü’s-sifr Mitori nâm Nasrâniye tarafından husûs-ı âti’z-zikri da‘vâya nehc-i mu‘teber-i şer‘î üzere vekîl olan zevci Dimo v. Yorgi nâm zimmî mahfil-i kazâda takrîr-i kelâm edüp gāib ani’l-meclis Marko nâm zimmî bundan akdem zevcem mezbûre Mitori’yi bî-vech başına ve yüzüne urmuşdur taraf-ı şer‘den âdem irsâl olunup merkūmu meclis-i şer‘a ihzâr ve mûcib-i şer‘îsi icrâ olunmak matlûbumdur dedikde huddâm-ı mahkemeden Mustafa nâm muhzır irsâl olunup ol dahi [64b] mezbûr Marko’nun menziline varup da‘vet-i şer‘ eyledikde merkūm Marko menzili içinden taş ve toprak atıp itâat-i şer‘ etmeyip itâle-i lisân dahi eylediğini zeyl-i kitâbda muharreru’l-esâmî ile meclis-i şer‘de ihbâr ve takrîr eylediklerinde mâ-vaka‘a bi’t-taleb ketb olundu. Tahrîren fi’l-yevmi’s-sâdis min-Ramazâni’l-mübârek li-sene isneteyn ve sittîn ve elf. Şühûdü’l-hâl: Mehmed Çelebi b. Ramazan, İlyas Beşe b. İbrahim, Derviş b. Mehmed, Mustafa Beşe b. Abdullah, Hacı Ahmed b. Mehmed, Ahmed Beşe b. Receb, Mehmed b. Ramazan, Mustafa b. Ali ve gayruhüm.