Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 177 Hüküm no: 208 Orijinal metin no: [65a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Maden b. Abdullah’ın kaçtıktan sonra yakalanan Habeş asıllı cariyesi Anber’in suçunu itiraf ettiği Mahrûse-i İstanbul’da Aksaray kurbünde sâkin Kemal Çelebi b. Hasan nâm kimesne mahfil-i kazâda mahmiye-i Galata’ya tâbi‘ kasaba-i Beşiktaş’da Sinanpaşa mahallesi sâkinlerinden Maden b. Abdullah nâm Arab muvâcehesinde üzerine da‘vâ ve takrîr-i kelâm edüp târih-i kitâbdan dört ay mukaddem işbu hâzıratü bi’l-meclis Anber bt. Abdullah nâm Habeşiyyetü’l-asl câriyemi merkūm Maden ile zevcesi gāibetü ani’l-meclis Pederhay nâm hatun idlâl edüp mülkümden firâr etdirip kendi menzillerinde ihfâ eyledikleri mesmû‘um olup hâlâ menzillerinden câriye-i mezbûreyi ihrâc eyledim suâl olunup takrîri tahrîr olunması matlûbumdur dedikde gıbbe’s-suâl mezbûr Maden istimâ‘-ı kabûle kābil cevâba kādir olmayıp vech-i muharrer üzere cürmüne mu‘terif olmağın mâ-vaka‘a bi’t-taleb ketb olundu. Tahrîren fi’l-yevmi’s-sâbi‘ min-Ramazâni’l-mübârek li-sene isneteyn ve sittîn ve elf. Şühûdü’l-hâl: Ahmed Bey b. Mehmed, Mahmud Çelebi b. Mehmed, Derviş Çelebi nakkāş, Nasûh Beşe b. İbrahim, Ömer Çelebi b. Receb, Mustafa Beşe b. Mehmed, Mehmed Çelebi b. Ramazan, Cafer b. Mehmed muhzır ve gayruhüm.