Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 178 Hüküm no: 209 Orijinal metin no: [65a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Todori v. Dimo’nun Arnavutköy’deki arsasını Yani v. Todori’ye sattığı Mahmiye-i Galata muzâfâtından kasaba-i Beşiktaş’a tâbi‘ Arnavud nâm karye sâkinlerinden Todori v. Dimo nâm zimmî mahfil-i kazâda işbu râfi‘ü’s-sifr Yani v. Todori nâm zimmî muvâcehesinde ikrâr ve takrîr-i kelâm edüp karye-i mezbûrede vâki‘ bir tarafı Mihal nâm zimmî mülkü ve bir tarafı Yorgi nâm zimmî mülkü ve bir tarafı Manol mülkü ve bir tarafı müşterî-i mezbûr mülkü ile mahdûd tûlen yirmi beş ve arzen on bir buçuk zirâ‘ mülk arsa-i hâliyemi mezbûr Yani’ye on kıt‘a guruşa bey‘ ve kabz-ı semen eyledim ba‘de’l-yevm arsa-i mezkûre merkūm Yani’nin mülk-i müşterâsıdır keyfe mâ yeşâ ve yehtâr mutasarrıf olsun dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Tahrîren fî selhi Şa‘bâni’l-mu‘azzam li-sene isneteyn ve sittîn ve elf. Şühûdü’l-hâl: Derviş Beşe, İlyas Beşe, Hacı Ahmed [b.] Süleyman, Cafer Beşe [b.] Mehmed, Mehmed Bey [b.] Ramazan, İstirati v. Andreya, Papa Yorgi v. Yani, Nikola v. Kiryako, Kostantin v. Yani, Yani v. Mihal, Panoç v. Andreya.