Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 190 Hüküm no: 227 Orijinal metin no: [70b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müderris Mehmed Efendi’nin Beşiktaş naibliğine tayini Hüve’l-Fettâh. Hüve’l-Feyyâz Fuvvizet ileynâ li-istimâ‘i’l-vekāyi‘i’ş-şer‘iyye ma‘a tahrîri’l-hücec ve’s-sicillât ve li-sâiri’t-temessükât fî-gurreti Şevvâl min-şühûri seneti isneteyn ve sittîn ba‘de’l-elf an-kıbeli a‘lemi’l-ulemâ’i’l-mütebahhirîn efdali’l-fudalâ’i’l-müteverri‘în yenbû‘i’l-fazl ve’l-yakīn hazreti Ebûlfazl Mahmud Efendi ibn el-merhûm Mehmed Efendi fî-mahkemeti Beşiktaş ile’l-fakīri Mehmed el-müvellâ-hilâfeten bi’l-mahkemeti’l-mezbûre hurrire fi’t-târihi’l-mezbûr. Fahrü’l-müderrisîn Mehmed Efendi kâm-yâb Ba‘de’s-selâm inhâ ve i‘lâm olunur ki işbu sene isneteyn ve sittîn ve elf Şevvâli gurresinden Beşiktaş niyâbeti size sipâriş olunmuşdur gerekdir ki varup nâhiye-i mezbûre ahâlîsi beyninde icrâ-yı ahkâm-ı şer‘iyye edesiz ve’s-selâm hurrire fi’t-târihi’l-mezbûr. El-fakīr Ebûlfazl Mahmud