|
Anadolu Sadâreti Mahkemesi 2 Numaralı Sicil (H. 1251-1257/ M. 1835-1841) cilt: 94, sayfa: 183 Hüküm no: 136 Orijinal metin no: [38a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Ali Reis’in alacağının tahsil olunması
Ma‘rûz-ı dâ‘î-i Devlet-i aliyyeleridir ki,
Sefine reislerinden sâhib-i arzuhâl Ali Reis b. Ahmed nâm kimesne Bâb-ı hazret-i fetvâ-penâhîde Sadâret-i Anadolu mutasarrıfları dâ‘îlerine tahsîs buyurulan dâirede ma‘kūd meclis-i şer‘de derûn-ı arzuhâlde mezkûrü’l-ism Ahmed b. Mehmed muvâcehesinde benim merkūm Ahmed zimmetinde bâ-i‘lâm-ı şer‘î mahkûmün-bih cihet-i karzdan altı yüz yetmiş guruş alacak hakkım olmağla suâl olunup meblağ-ı mezkûr-ı merkūm Ahmed’den tahsîl olunması matlûbumdur deyü da‘vâ etdikde ol dahi cevâbında kaziyye minvâl-i muharrer üzere olduğunu bi-tamâmihâ ikrâr ü i‘tirâf etmeğin mûcebince meblağ-ı mezkûr altı yüz yetmiş guruş merkūm Ahmed’den tahsîl ve müdde‘î-i merkūm Ali Reis’e teslîm olunmak iktizâ eylediği tescîl ve huzûr-ı âlîlerine i‘lâm olundu. El-emru li-men-lehü’l-emr.
Fî 7 Z sene [12]56.
|