Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 192 Hüküm no: 229 Orijinal metin no: [71b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Neslihan bt. Ali Çelebi’nin arsasını kocası Hüseyin Beşe b. Zeynelabidin’e sattığı Mahrûse-i Galata’ya tâbi‘ kasaba-i Beşiktaş’a tâbi‘ Arab İskelesi mahallesi sâkinelerinden Neslihân bt. Ali Çelebi nâm hatun mahfil-i kazâda zevci râfi‘ü hâze’l-kitâb Hüseyin Beşe b. Zeynelâbidin mahzarında ikrâr ve i‘tirâf edüp mahalle-i mezbûrede vâki‘ bir tarafı hadîka-i sultâniye ve bir tarafı bazen Bayram Beşe ve bazen Mehmed Çelebi mülkleri ve bir tarafı karındaşları mülkleri ve bir tarafı tarîk-i âm ile mahdûd bir bâb tahtânî odayı ve tûlen kırk sekiz zirâ‘ ve arzen on buçuk zirâ‘ be-hesâb-ı şatrancî cem‘an beş yüz elli iki zirâ‘ mülk arsayı mezbûr Hüseyin Beşe’ye râyicü’l-vakt on bin akçeye bey‘ ve teslîm edüp ol dahi vech-i muharrer üzere iştirâ ve tesellüm eyledikden sonra semeni olan meblağ-ı mezbûru yedinden tamâmen ahz u kabz eyledim dedikde gıbbe’t-tasdîki’ş-şer‘î mâ-vaka‘a kayd şüd. Hurrire fi’l-yevmi’t-tâsi‘ aşer min-Şevvâl li-sene isneteyn ve sittîn ve elf. Şühûdü’l-hâl: es-Sâbikūn.