Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 193 Hüküm no: 231 Orijinal metin no: [71b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmihan bt. Hasan’ın Döndü bt. Sefer’i keten tokmağı ile dövdüğü Mahmiye-i Galata muzâfâtından kasaba-i Beşiktaş’da Sultân Süleyman mahallesinde sâkine Döndü bt. Sefer nâm hatun mahfil-i kazâda mahalle-i mezbûre sâkinelerinden İsmihân bt. Hasan nâm hatun muvâcehesinde üzerine da‘vâ ve takrîr-i kelâm edüp târih-i kitâbdan bir gün mukaddem mezbûre İsmihân bi-gayrı [72a] vechin başıma ve sağ koluma keten tokmağı ile urup kara bere eyledi suâl olunup mûcib-i şer‘le icrâ olunması matlûbumdur dedikde gıbbe’s-suâl mezbûre İsmihân cevâbında fi’l-hakīka müdde‘iye-i merkūmenin başına ve sağ koluna keten dokmağı ile bi-gayrı vechin urup kara bere eylediğini ikrâr ve i‘tirâf etmeğin mûcibi ile mâ-vaka‘a bi’t-taleb [ketb] ve terkīm ve yed-i tâlibe vaz‘ olundu. Tahrîren fi’l-yevmi’r-râbi‘ aşer min-Şevvâli’l-mükerrem [li]-sene isneyn ve sittîn ve elf. Şühûdü’l-hâl: Nasûh Efendi b. Mustafa el-imâm, Zülfikâr Bey b. Abdullah, Süleyman Bey b. Abdullah, Ahmed b. Mehmed, Mustafa b. Mehmed, Mehmed Çelebi b. Mahmud, Mehmed Çelebi b. ( ) el-muhzır.