Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 194 Hüküm no: 233 Orijinal metin no: [72a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Siyavuş b. Abdullah’ın karısı Emine bt. Hacı İbrahim’i şiddetli bir şekilde dövdüğü Mahmiye-i Galata muzâfâtından kasaba-i Beşiktaş’da Sinanpaşa mahallesinde sâkine Emine bt. el-Hâc İbrahim [nâm] hatun mahfil-i kazâda zevci Siyavuş b. Abdullah nâm kimesne muvâcehesinde üzerine da‘vâ ve takrîr-i kelâm edüp zevcim mezbûr Siyavuş târih-i kitâbdan bir gün mukaddem bi-gayrı vechi şer‘î yumruk ile başımı urdukda ağzımdan ve burnumdan kan gelmişdir suâl olunup takrîri tahrîr olunmak matlûbumdur dedikde gıbbe’s-suâl mezbûr Siyavuş cevâbında fi’l-vâki‘ hâl minvâl-i muharrer üzere olup mezbûre Emine’yi târih-i kitâbdan bir gün mukaddem bî-vechin yumruk ile başından darb-ı şedîd ile darb eyledim deyü ikrâr ve i‘tirâf etmeğin vâki‘ hâl bi’t-taleb ketb olundu. Fi’l-yevmi’l-hâmis aşer min-Şevvâli’l-mükerrem [li]-sene isneyn ve sittîn ve elf. Şühûdü’l-hâl: Perviz b. Abdullah, Derviş b. Ömer, Hüseyin b. Mehmed, Derviş b. Abdülkerîm, Mustafa b. Mehmed, Hızır Efendi b. ( ) el-kâtib, Mehmed Çelebi b. Mahmud ve gayruhüm.