Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 198 Hüküm no: 240 Orijinal metin no: [74a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kocası kaybolan Haydar bt. Abdullah’a nafaka takdir edildiği Mahrûse-i Galata tevâbi‘inden Beşiktaş kasabası mahallâtından Sinanpaşa mahallesinde sâkine Haydar bt. Abdullah nâm hatun meclis-i şerî‘at-i şerîfe-i garrâ ve mahfil-i tarîkat-i münîfe-i zehrâya hâzıra olup zevc-i gâibi Hemdem b. ( )’in kendisine nafaka ve nafaka nev‘inden bir şey bırakmadığına yemîn bi’llâhi ta‘âlâ ettiğinde hâkim-i hâsim-i muvakkı‘ a‘le’l-kitâb bi-tevkī‘ihi’ş-şerîfi’l-müstetâb, mezbûrenin nafakası, kisvesi ve sâir havâic-i lâzimesi için zeylde muharrer târihden itibâren yevmî râyicü’l-vakt beş akçe farz ve takdîr etti ve sonra meblağ-ı mefrûz-ı mezbûru sarf etmeye ve vakt-i hâcetde istidâne edüp vakt-i zaferde zevc-i gāibine rücû‘a izin verdi. Cerâ zâlike ve hurrire fi’l-yevmi’l-ışrîn min-Şevvâli’l-mükerrem li-sene isneteyn ve sittîn ve elf. Şühûdü’l-hâl: Mefharü’l-müderrisîn Hızır Efendi, Hüseyin Çelebi el-kâtib, Mehmed Çelebi b. Ramazân, Ca‘fer Beşe b. Mehmed