Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 203 Hüküm no: 249 Orijinal metin no: [76a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma bt. Hacı İlyas’ın kocası Halil Beşe b. Ahmed’den boşandığı ve zimmetini ibra ettiği Mahmiye-i Galata hâricinde Perizat Hatun mahallesinde sâkine Fâtıma bt. el-Hâc İlyas nâm hatun mahfil-i kazâda zevc-i mutallıkı râfi‘ü hâze’l-kitâb Halil Beşe b. Ahmed nâm kimesne mahzarında bi-tav‘ihâ ikrâr ve takrîr-i kelâm edüp bundan esbak mezbûrun zevce-i menkûhası iken hâlâ beni talâk-ı bâyin ile tatlîk etmeğin zimmetinde mütekarrir olan bin fıddî râyic [fi’l]-vakt akçe mehr-i mü’eccelimi mezbûrun yedinden bi’t-tamâm ve’l-kemâl alıp ahz eyledikden sonra nafaka-i iddetimden mâ‘adâ zevciyyete müte‘allika âmme-i de‘âvîden mezbûr Halil Beşe’nin zimmetini dahi ibrâ ve ıskāt eyledim dedikde gıbbe’t-tasdîki’ş-şer‘î vicâhen mâ-vaka‘a bi’t-taleb ketb olundu. Fi’l-yevmi’l-hâmis ve’l-ışrîn min-Şevvâli’l-mükerrem li-seneti’l-mezbûre. Şühûdü’l-hâl: Mustafa Beşe b. Kemal, el-Hâc Mahmud b. İbrahim, Mustafa b. Mehmed, Mehmed Beşe b. Cafer, Mehmed Çelebi b. ( ) ve gayruhüm.