Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 204 Hüküm no: 250 Orijinal metin no: [76b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hamile Fatma Hatun’a iddet süresi bitimine kadar boşandığı kocası Halil Beşe tarafından nafaka verilmesi Mezbûre Fâtıma Hatun meclis-i şer‘-i şerîfe gelip takrîr-i kelâm edüp bundan akdem zevcim Halil Beşe beni talâk-ı bâyin ile tatlîk edüp hâmil olduğum ecilden vaz‘-ı haml edüp iddetim münkaziye oluncaya değin cânib-i şer‘den nafaka takdîr olunmasını taleb ederim dedikde hâkim-i sadr-ı muvakkı‘-ı sadr-ı sahîfe dahi mezbûre Fâtıma’nın vaz‘-ı haml edüp iddeti münkaziye oluncaya değin nafakası için küllü yevm dörder akçe nafaka farz ve takdîr edüp meblağ-ı mezbûru kendüye sarf ve istidâneye ve vakt-i zaferde mezbûr Halil Beşe üzerine rücû‘a merkūme Fâtıma’ya izin verilip mâ-hüve’l-vâkı‘ bi’t-taleb ketb olundu. Fi’l-yevmi’l-hâmis ve’l-ışrîn min-Şevvâli’l-mükerrem li-seneti’l-mezbûre. Şühûdü’l-hâl: es-Sâbikūn.