Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 204 Hüküm no: 251 Orijinal metin no: [76b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Abdullah’ın kocası el-Hâc Şaban ile anlaşarak boşandığı (muhâla‘a) Mahmiye-i Galata muzâfâtından kasaba-i Beşiktaş mahallâtından Sinanpaşa mahallesinde sâkine Fâtıma bt. Abdullah nâm hatun meclis-i şer‘-i şerîfe hâzıra olup hâmil-i hâze’l-kitâb el-Hâc Şa‘bân b. Abdullah nâm zevci ile muhâla‘a ettiğini ikrâr eyledi. Zevc-i mezbûr dahi nikâhında ma‘kūdün-aleyh râyicü’l-vakt bin akçe mehr-i müecceli, ilm-i şer‘î ile beynlerinde ma‘lûm nafaka-i iddeti ve meûnet-i süknâsı mukābelesinde zevce-i mezbûresi ile hul‘ eyledi. Mezbûre Fâtıma bu sûretle akd-i cedîd ve mehr-i müste’nif olmadan zevc-i mezkûra helâl olmayacak şekilde bâyinen ayrılmış oldu. Sonra hukūk-ı zevciyyete müte‘allik cemî‘ de‘âvî, eymân, mutâlebât ve muhâsamâtdan her biri diğerinin zimmetini ibrâ-yı âmm-ı kātı‘an li’n-nizâ‘ ve râfi‘an li’l-husûmet ile ibrâ etti. Cerâ zâlike ve hurrire fi’l-yevmi’s-sâbi‘ ve’l-ışrîn min-Şevvâli’l-mükerrem li-seneti’l-mezbûre [1062] Şühûdü’l-hâl: El-hâc Ali b. Seyyid Abdurrahman, Hızır Efendi el-müderris, Ca‘fer b. Mehmed, Mehmed b. Ramazan