Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 213 Hüküm no: 263 Orijinal metin no: [79b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Beşe b. Memi’nin boşadığı karısı Fatma bt. Abdullah’a çocuğunu doğurup iddet süresini bitirinceye kadar nafaka ödemesi Mahrûse-i Galata’ya tâbi‘ kasaba-i Beşiktaş mahallâtından Sinanpaşa mahallesinde sâkine Fâtıma bt. Abdullah nâm hatun meclis-i şer‘-i şerîfe gelip takrîr-i kelâm edüp bundan akdem zevcim olan Mehmed Beşe b. Memi beni talâk-ı bâyin ile tatlîk eyleyüp hâmil olduğum ecilden vaz‘-ı haml edüp iddetim münkaziye oluncaya değin cânib-i şer‘den nafaka takdîr olunmasın taleb ederim dedikde hâkim-i muvakkı‘-ı sadr-ı kitâb dahi mezbûre Fâtıma’nın vaz‘-ı haml edüp iddeti münkaziye oluncaya değin nafakası için külle yevm beşer akçe nafaka farz ve takdîr edüp meblağ-ı mezbûru kendüye sarfa ve istidâneye ve vakt-i zaferde mezbûr Mehmed Beşe’ye rücû‘a merkūme Fâtıma’ya izin verilip mâ-hüve’l-vâkı‘ bi’t-taleb ketb olundu. Tahrîren fi’l-yevmi’s-sâmin min-Zilka‘deti’ş-şerîfe li-seneti’l-mezbûre. Şühûdü’l-hâl: Hızır Efendi el-müderris, Mustafa Beşe b. Mehmed, Mehmed Çelebi b. Ramazan, Ahmed Çelebi b. Mehmed, Cafer . Mehmed ve gayruhüm.