.:: İstanbul Kadı Sicilleri ::.


Anadolu Sadâreti Mahkemesi 2 Numaralı Sicil (H. 1251-1257/ M. 1835-1841)
cilt: 94, sayfa: 192
Hüküm no: 145
Orijinal metin no: [40b-1]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Mesrure Kadın’ın terekesi

Medîne-i Üsküdar’da Mirahur mahallesinde sâkine iken bundan akdem vefât eden Zenciye Mesrure Kadın bt. Abdullah’ın verâseti zevc-i metrûku Zenci Abdullah b. Abdullah ile mevlâ-yı utekâsı Hâcegân-ı Dîvân-ı hümâyûn’dan dîvân kalemi hulefâsından es-Seyyid Ali İsmet Efendi b. es-Seyyid Osman Efendi’ye ba‘de’l-inhisâr Mevlâ-yı [mûmâ]-ileyh es-Seyyid Ali İsmet Efendi ve zevc-i mezbûr Abdullah’ın taleb ve ma‘rifetleriyle tahrîr ve bey‘ olunan tereke-i müteveffât-ı mezbûredir ki ber-vech-i âtî zikr olunur. Fi’l-yevmi’r-râbi‘ min-Muharremi’l-harâm li-sene seb‘a ve hamsîn ve mi’eteyn ve elf.

Minder 3 aded, kılıf 3 aded 160 guruş Yasdık 2 aded, mak‘ad 2 aded 100 guruş Döşek 1 aded, şilte 1 aded, sandık 1 aded 116 guruş Basma yorgan 2 aded, seccâde 1 aded, köhne yorgan 1 aded 50 guruş Boğça 1 aded, ma‘a hırdavat 27 guruş Çuka ferâce 1 aded 46 guruş Çârşeb 1 aded, ma‘a hırdavat 26 guruş Boğça 1 aded, ma‘a hırdavat 7,5 guruş Basma hırka 1 aded, basma anteri 1 aded 35 guruş Altıparmak anteri 1 aded, şalvar 1 aded 80 guruş Basma anteri 1 aded, boğça 1 aded 17 guruş Basma şalvar 1 aded ma‘a hırdavat --- Makrama 4 aded 17 guruş Basma şalvar 1 aded, anteri 1 aded, gömlek 1 aded 22,5 guruş Gömlek 1 aded, ma‘a hırdavat 14 guruş Boğça 1 aded ve bir mikdâr bez 20 guruş Boğça 2 aded ve hırdavat 13,5 guruş Köhne hırka 1 aded, çârşeb 1 aded 16 guruş İbrik 1 aded 10 guruş Bir mikdâr rişte-i penbe 5 guruş İngiliz-kârî şal 1 aded 18 guruş Sepet sandık 1 aded, ma‘a hırdavat 8 guruş Sepet 1 aded ma‘a hırdavat 18 guruş Bir mikdâr evân-ı nühâsiye 26 kıyye fî 11 286 guruş Câmeşûy teknesi 1 aded 3 guruş Dolap 1 aded, mangal tahtası 1 aded, kıyma tahtası 1 aded 30 guruş Köhne çârşeb 3 aded, peştamâl 2 aded, parça şal 1 aded, havlu 2 aded 50 guruş Şamdan 2 aded ma‘a hırdavat 6 guruş Elmas küpe 1 çift 420 guruş Mehr-i zevce 151 guruş Yekûn 1789,5 guruş

Minhe’l-ihrâcât:

Deyn-i Zenciye Hoşkadem bâ-ikrâr-ı verese 28 guruş Dellâliye-i eşyâ ve dükkâniye 50 guruş Masârıf-ı verese 15 guruş Resm-i kısmet 45 guruş Kaydiye-i defter 3 guruş Yekûn-i ihrâcât 141 guruş

Sahhu’l-bâkī 1648,5 guruş

Hisse-i zevc-i mezbûr 824 guruş 10 para Hisse-i mevlâ-yı mûmâ-ileyh 824 guruş 10 para

Mevlâ-yı mûmâ-ileyh es-Seyyid Ali İsmet Efendi ve zevc-i mezbûr Abdullah’dan her biri hisse-i mezkûrelerini bi’t-tamâm ve’l-kemâl ahz u kabz eyledik deyü huzûr-ı şer‘de ikrâr ü i‘tirâf eyledikleri işbu mahalle şerh olundu.