Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 133 Hüküm no: 81 Orijinal metin no: [12a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Evhaddin mahallesinden Tarpiye bt. Manol’un kocası Foti v. Kosta’dan boşanması Kefere tatlîki Mahmiye-i İslâmbol’da el-Hâc Evhaddin mahallesinde mütemekkine ve şahsı ta‘rîf-i şer‘î ile mu‘arrefe olan Tarpiye? bt. Manol nâm Nasrâniye meclis-i şer‘-i hatîrde zevc-i mutallıkı işbu bâ‘isü’r-rakīm Foti v. Kosta nâm zimmî muvâcehesinde ikrâr ve takrîr-i kelâm edip merkūm Foti zimmî bilâ-tesmiyeti’l-mehr zevc-i dâhilim olduğu hâlde târih-i kitâb günü beni tatlîk edip alâka-i zevciyet beynimizde munkatı‘a olmağın mehr-i mislime ve hukūk-ı zevciyete müte‘allika âmme-i de‘âvî ve kâffe-i mutâlebâtdan ben zevc-i mutallıkım merkūm Foti zimmînin zimmetini ibrâ ve ıskāt eylediğimde ol dahi kezâlik hukūk-ı zevciyete müte‘allika âmme-i da‘vâdan benim zimmetimi ibrâ ve ıskāt edip herbirimiz ber-minvâl-i muharrer âharın ibrâsını kabûl eyledik dedikde gıbbe’t-tasdîki’ş-şer‘î mâ-vaka‘a. Fî 16 Zilka‘de sene 1196 Şühûdü’l-hâl: Molla Ali b. Halil, Mustafa b. Mustafa, Hacı Hasan b. Osman, Salih b. Halil, Ananya v. Goril ve gayruhum.