Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 137 Hüküm no: 87 Orijinal metin no: [13a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin b. Mehmed’in küçük kızı Ayşe’ye bakmakta olan kayınvalidesi Fatma bt. Osman’a nafaka vermesi Hatt-ı nafaka İşbu sebt-i kenâr olunan hüccet derûnunda mezkûrü’l-ism olan Hüseyin b. Mehmed nâm kimesne meclis-i şer‘-i hatîr-i lâzımü’t-tevkīrde yine derûn-ı hüccetde mezkûretü’l-ism kayınvâlidesi mu‘arrefetü’z-zât Fatıma bt. Osman nâm hatun mahzarında takrîr-i kelâm ve ta‘bîr ani’l-merâm edip benim firâşımdan hâsıla ve zevcem hâzıra bi’l-meclis Zeyneb [bt.] Hasan nâm hatundan mütevellide Âişe nâm sagīre zevcem mezbûre Zeyneb Hatun’un hacr u terbiyesinde iken mezbûre Zeyneb Hatun nefsini <> ecnebîye tezvîc ve hakk-ı hıdâne kendüden sâkıta ve ol-vechile hakk-ı hıdâne kayınvâlidem Fatıma Hatun’a intikāl etmekle kayınvâlidem mezbûre Fatıma Hatun dahi sagīre-i mezbûrenin nafaka ve kisve-bahâsı içün benim üzerime küllü yevm on altı akçe farz ve takdîr etdirmişdi, lâkin ben fakīr ve mu‘sir olup meblağ-ı mefrûz-ı mezkûru edâya bir vechile iktidârım olmayıp ve sagīre-i mezbûrenin dahi nafaka ve kisve-bahâsına yevmî dörder para kifâyet etmekle ziyâde dört akçesi hatt u tenzîl olunmak murâdımdır dedikde mezbûre Fatıma Hatun dahi mukırr-ı mezbûru tasdîk etmeğin mukaddemâ farz ve takdîr olunan yevmî on altı akçenin dört akçesi bi’t-terâzî hatt u tenzîl olunup sagīre-i mezbûrenin nafaka ve kisve-bahâsı küllü yevm dörder para bâkī kalmağla meblağ-ı bâkī-i mezkûru sagīre-i mezbûrenin nafaka ve kisve-bahâsına harc ü sarfa ve lede’l-iktizâ istidâne ve inde’z-zafer babası mezbûr Hüseyin üzerine rücû‘a merkūme Fatıma Hatun’a izin verilmeğin mâ-vaka‘a bi’t-taleb ketb olundu. Fî 17 Zilka‘de sene 1196 Şühûdü’l-hâl: Molla Ali b. Halil, Salih b. Halil, Hacı Hasan b. Osman, Mustafa b. Mustafa, Molla Mehmed b. Mustafa ve gayruhum.