Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 167 Hüküm no: 127 Orijinal metin no: [19b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin mahallesinden Anice bt. Kostandi ile kendisini boşayan kocası Gavril’in birbirlerinin zimmetlerini ibra etmeleri Tatlîk-i kefere Mahmiye-i İslâmbol’da el-Hâc Hüseyin mahallesinde mütemekkine ve şahsı ta‘rîf-i şer‘î ile mu‘arrefe olan Anice bt. Kostandi nâm Nasrâniye meclis-i şer‘-i şerîf-i enverde zevc-i mutallıkı işbu hâmilü’r-rakīm Gavril v. Çakal nâm zimmî muvâcehesinde ikrâr ve takrîr-i kelâm edip merkūm Gavril zimmî bilâ-tesmiyeti’l-mehr zevc-i dâhilim olduğu hâlde târih-i kitâb günü beni tatlîk edip alâka-i zevciyet beynimizde munkatı‘a olmağın mehr-i mislime ve hukūk-ı zevciyete müte‘allika âmme-i de‘âvî ve kâffe-i mutâlebâtdan ben zevc-i mutallıkım merkūm Gavril zimmînin zimmetini ibrâ ve ıskāt eylediğimde ol dahi kezâlik hukūk-ı zevciyete müte‘allika âmme-i da‘vâdan benim zimmetimi ibrâ ve ıskāt edip herbirimiz ber-minvâl-i muharrer âharın ibrâsını kabûl eyledik dedikde gıbbe’t-tasdîki’ş-şer‘î mâ-vaka‘a. Fî 18 Zilhicce sene 1196 Şühûdü’l-hâl: Süleyman Beşe b. Mustafa, Abdullah Beşe b. Yusuf, Halil Beşe b. Abdullah, Molla Ali b. Halil, Mustafa b. Mustafa.