Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 178 Hüküm no: 143 Orijinal metin no: [21a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Koca Mustafa Paşa mahallesinden Rukiye bt. İsmail’i evlendirmek üzere velisi olan halası Havva’ya izin verilmesi Tezvîce izin Mahmiye-i İslâmbol’da Koca Mustafa Paşa mahallesinde sâkine takrîben dokuz yaşında Rukiye bt. İsmail nâm sagīrenin li-ebeveyn ammetesi ve velîsi mu‘arrefetü’z-zât işbu bâ‘isetü’l-kitâb Havva bt. Mehmed nâm hatun meclis-i şer‘de takrîr-i [kelâm] ve ifâde-i merâm edip sagīre-i mezbûrenin ebeveyni fevt olup ve asabâtdan velîsi ve zî-rahm dahi benden gayrı veliyy-i akrebi olmamağla sagīre-i mezbûreyi mehr-i misliyle âhara tezvîce kıbel-i şer‘den bana izin verilmek matlûbumdur dedikde hakīkat-i hâl mukırre-i mezbûre Havva Hatun’un takrîr-i meşrûhası üzere olduğu zeyl-i vesîkada muharrerü’l-esâmî Müslimîn ihbârlarıyla zâhir olmağın sagīre-i mezbûreyi âhara tezvîce mezbûre Havva Hatun’a kıbel-i şer‘den izin birle mâ-vaka‘a bi’t-taleb. Fî-gurreti Muharrem sene 1197 Şühûdü’l-hâl: Mustafa b. Mehmed, Ahmed b. Ali, Molla Ali b. Halil, Mustafa b. Mustafa.