Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 212 Hüküm no: 190 Orijinal metin no: [28a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Ahmed’in ulufesini Ahmed b. İsmail’e devretmesi Esâme kasr-ı yedi Mahmiye-i İslâmbol’da Dikilitaş kurbünde sâkin Mustafa b. el-Hâc Ahmed nâm kimesne meclis-i şer‘-i şerîf-i enverde işbu bâ‘isü’l-kitâb el-Hâc Ahmed b. el-Hâc İsmail nâm kimesne mahzarında ikrâr ve takrîr-i kelâm edip benim bölükât-ı erba‘adan Ulûfeciyân-ı Yemîn Ocağı’nda sekizinci bölükde Mehmed Abdullah Eyüb ismiyle mutasarrıf olduğum yevmî on beş akçe ulûfemi bundan akdem mezbûr el-Hâc Ahmed’e ferâğ ve bi’l-külliye kasr-ı yed edip ibtidâ ta‘bîr olunur tezkiresini dahi mezbûr el-Hâc Ahmed yedine teslîm eylediğimden sonra ben ulûfe-i mezkûra müte‘allika âmme-i de‘âvî ve kâffe-i mutâlebâtdan mezbûr el-Hâc Ahmed’in zimmetini ibrâ-i âmm-ı kātı‘u’n-nizâ‘la ibrâ ve ıskāt eylediğimde ol dahi bedel-i ferâğ nâmıyla bana medfû‘u olan meblağ-ı müstehlek-i mezbûr iki yüz guruşa müte‘allika âmme-i da‘vâdan zimmetimi ibrâ ve ıskāt edip herbirimiz ber-minvâl-i muharrer âharın ibrâsını kabûl eyledik dedikde gıbbe’t-tasdîki’l-mu‘teber mâ-vaka‘a bi’t-taleb ketb olundu. Fî 2 min-Saferi’l-hayr sene 1197 Şühûdü’l-hâl: Molla Ali b. Halil, Mehmed Çavuş Ağa b. ( ), Derviş Mehmed Efendi, İmâm-ı Ali Paşa Hüseyin Efendi b. İbrahim, Hafız Mehmed Salim Efendi b. Hüseyin Efendi, Başhalîfe Mehmed Efendi b. ( ), İsmail Çavuş b. ( ) ve gayruhum.