Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 222 Hüküm no: 205 Orijinal metin no: [30a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kâtib Muslihiddin mahallesinden Serepohi bt. Artin’in Agop v. Begos aleyhine açtığı küpe davasından feragat etmesi Küpe ibrâsı Mahmiye-i İslâmbol’da Altımermer kurbünde Kâtib Muslihiddin mahallesinde mütemekkine ve şahsı vech-i şer‘î üzere mu‘arrefe olan Serepohi bt. Artin nâm Nasrâniye meclis-i şer‘-i şerîf-i enverde işbu hâmilü’r-rakīm Agop v. Begos nâm zimmî muvâcehesinde ikrâr ve takrîr-i kelâm edip bundan akdem merkūm Agop zimmî mâlımdan doksan guruş kıymetli bir çift elmas yapraklı zümrüd küpemi bi-gayrı hakkın fuzûlî ahz ü kabz etmekle zikr olunan küpeyi merkūm Agop zimmîden bu esnâda taleb ve da‘vâya tesaddî etmişidim. El-hâletü hâzihî beynimize muslihûn tavassutuyla ber-vech-i muharrer tesaddî eylediğim da‘vâ-yı mezkûremden meccânen fâriğa olup zikr olunan küpeye ve kıymet-i mezkûresine ve bi’l-cümle husûs-ı mezkûra müte‘allika âmme-i de‘âvî ve kâffe-i mutâlebâtdan merkūm Agop zimmînin zimmetini ibrâ ve ıskāt eylediğimde ol dahi ibrâmı kabûl eyledi dedikde gıbbe’t-tasdîki’ş-şer‘î mâ-vaka‘a. Fî 10 S sene 1197 Şühûdü’l-hâl: Molla Ali b. Halil, Ali Ağa b. Mehmed, Hacı Hasan b. Osman, Mustafa b. Mustafa, Duhânî Abraham v. ( ), Parsih v. ( ) ve gayruhum.