Anadolu Sadâreti Mahkemesi 2 Numaralı Sicil (H. 1251-1257/ M. 1835-1841) cilt: 94, sayfa: 218 Hüküm no: 173 Orijinal metin no: [47b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kalaycı Karabet’in alacak iddiasını ispat edemediği Ma‘rûz, Anadolu’da Karahisar-ı şarkī kazâsı re‘âyâsından arzuhâl eden Kalaycı Karabet v. Timos nâm zimmî Bâb-ı hazret-i fetvâ-penâhîde Anadolu mutasarrıfları dâ‘îlerine tahsîs buyurulan dâirede ma‘kūd meclis-i şer‘-i münîrde derûn-ı arzuhâlde mastûrü’l-ism Değirmenci Yani v. Panayot nâm zimmî muvâcehesinde mersûm Yani zimmî zimmetinde bin iki yüz elli üç senesi Ramazani’l-mübâreki gurresinde malımdan ve yedimden iktirâz ve kabz ve umûruna sarfla istihlâk eylediği dört bin guruş alacak hakkım olmağla meblağ-ı mezkûru mersûm Yani zimmîden hâlâ taleb ederim deyü da‘vâ etdikde ol dahi cevâbında külliyen inkâr etmekle müdde‘î-i mersûm Karabet zimmî ber-vech-i muharrer müdde‘âsına kirâren ve mirâren lede’l-istimhâl müddet-i mehl-i şer‘î mürûr edip ikâmet-i beyyineye kādir ve tahlîfe dahi tâlib olmamağla mûcebince müdde‘î-i mersûm Karabet zimmî da‘vâ-yı mezkûresiyle mesfûr Yani zimmîye bilâ-beyyine mu‘ârazadan men‘ olunduğu huzûr-ı [âlîlerine i‘lâm olundu]. Fî 12 S sene [12]57.