Adalar Mahkemesi 1 Numaralı Sicil (H. 1178-1184 / M. 1764-1771) cilt: 75, sayfa: 103 Hüküm no: 107 Orijinal metin no: [25b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yaşmakçızade Mehmed Selim’in Kartal naipliğine atandığı Yâ Fettâh, yâ Rezzâk, yâ Hafîz, yâ Mu‘în, yâ Ganî İzzet-meâb şerî‘at-nisâb Mevlânâ Yaşmakçızâde es-Seyyid Mehmed Selim kâm-yâb. Ba‘de’t-tahiyyeti’l-vâfiye inhâ olunur ki mutasarrıf olduğumuz medîne-i Üsküdar mülhakātından Kartal kasabasının niyâbeti işbu sene ihdâ ve semânîn ve mi’ete ve elf Ramazani’l-mübâreki gurresinden uhdenize tefvîz ve sipâriş olunmuşdur gerekdir ki kazâ-i merkūmu gurre-i mezkûreden zabt u rabt ve beyne’l-ahâli icrâ-yı ahkâm-ı şer‘-i âlî edüp ve vukū‘bulan mevtâ-yı kısmet-i askeriye muhallefâtını dahi tahrîr ve terkīm ve beyne’l-verese bi’l-farîzati’ş-şer‘iye tevzî‘ ve taksîm edesiz ve’s-selâm. El-fakīr Veliyüddin Efendizâde Mehmed Emin el-kādı bi- medîneti Üsküdar Merhûm-ı müşârünileyh Yaşmakçızâde cennet-mekân es-Seyyid Mehmed Selim Efendi hazretlerine bu fakīr dâmâd olmak mukadder-i ilahî olup müşârünileyh hazretleri sadâret-i Anadolu pâyesini ihrâz edüp Rumeli Kazaskeri olmadan vefât etmişdir ve -rahmetullâhi aleyh- Ene’l-fakīr Naim