Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 410 Hüküm no: 452 Orijinal metin no: [65b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Ağa’nın Balat’ın Aznavur sokağındaki vakıf mahzenini Halil Beşe’ye kiraladığı Vakıf mahzen îcâr ve istîcârı Mahmiye-i İslâmbol’da Veled-i Karabaş mahallesinde sâkin İbrahim Ağa b. el-Hâc Mustafa meclis-i şer‘-i şerîf-i enverde işbu bâ‘isü’l-kitâb Halil Beşe b. Osman nâm kimesne mahzarında ikrâr ve takrîr-i kelâm edip mahmiye-i mezbûrede Balat kapısı dâhilinde kâin Aznavur sokağında vâki‘ İbrahim Hanoğlu Vakfı’ndan bi’l-icâreteyn taht-ı tasarrufumda olan bir bâb tahtânî vakıf mahzenimi târih-i kitâbdan beher şehir sekiz guruş ücret tesmiyesiyle mezbûr Halil Beşe’ye îcâr ve teslîm eylediğimde ol dahi ber-vech-i muharrer istîcâr ve tesellüm ve kabûl ve ücret-i müsemmâ-yı mezkûreyi beher mâh tamamında bana edâya ta‘ahhüd eyledi dediğini mezbûr Halil Beşe tasdîk etmeğin mâ-vaka‘a. Fî 26 Ca sene 1197 Şühûdü’l-hâl: İsmail Efendi b. el-Hâc Mustafa, Osman Ağa b. Mustafa, Ahmed b. Mehmed, Osman b. Mehmed Yedikuleli, Molla Ali b. Halil.