Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 419 Hüküm no: 465 Orijinal metin no: [67b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çerâğî Hasan mahallesinden, boşanan Nimetullah bt. Mustafa’nın mehrini kocasından aldığı Firâşından hâsıl hamli olduğu hâlde tatlîk ve ibrâ Mahmiye-i İslâmbol’da Çerâğī Hasan mahallesinde sâkine ve zâtı vech-i şer‘î üzere mu‘arrefe olan Nimetullah bt. Mustafa nâm hatun meclis-i şer‘-i şerîf-i enverde zevc-i mutallıkı işbu bâ‘isü’l-kitâb es-Seyyid Abdülmuttalib b. es-Seyyid İbrahim nâm kimesne mahzarında ikrâr ve takrîr-i kelâm edip mezbûr es-Seyyid Abdülmuttalib zevc-i dâhilim ve firâşından hâsıl hamlim olduğu hâlde târih-i kitâbdan on beş gün beni tatlîk etmekle üç def‘a akidde müsemmâ zimmetinde ma‘kūdun-aleyh olan yedi yüz akçe mehr-i müeccel hakkımı zevc-i mutallıkım mezbûr es-Seyyid Abdülmuttalib işbu meclis-i şer‘de bana def‘ ü teslîm eyledikde ben dahi yedinden tamamen ahz ü kabz edip hukūk-ı zevciyete ve sâire müte‘allika âmme-i de‘âvî ve kâffe-i mutâlebâtdan ben zevc-i mutallıkım mezbûr es-Seyyid Abdülmuttalib’in zimmetini ibrâ ve ıskāt eylediğimde ol dahi kezâlik hukūk-ı zevciyete ve sâire müte‘allika âmme-i de‘âvîden benim zimmetimi ibrâ ve ıskāt edip her birimiz ber-minvâl-i muharrer âharın ibrâsını kabûl eyledik dedikde gıbbe’t-tasdîki’ş-şer‘î mâ-vaka‘a. Fî 28 min-Ca sene 1197 Şühûdü’l-hâl: Molla Ali b. Halil, Salih b. Halil, Molla Mehmed b. Mustafa, Mustafa b. Mustafa.