Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 434 Hüküm no: 484 Orijinal metin no: [70a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Canbaziye mahallesinden Ayşe bt. Hasan ile Mehmed Memiş’in boşandıkları Muhâla‘a Mahmiye-i İslâmbol’da Koca Mustafa Paşa kurbünde Canbaziye mahallesinde sâkine ve zâtı vech-i şer‘î üzere mu‘arrefe olan Âişe bt. Hasan nâm hatun meclis-i şer‘-i şerîf-i enverde zevc-i dâhili işbu bâ‘isü’l-kitâb Mehmed Memiş b. Ali nâm kimesne mahzarında ikrâr ve takrîr-i kelâm edip mezbûr Mehmed Memiş zevcim olup lâkin beynimizde hüsn-i mu‘âşeretimiz olmamağla zimmetinde mütekarrer ve ma‘kūdun-aleyh olan otuz bir guruş mehr-i müeccelim ve nafaka-i iddet-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr Mehmed Memiş ile muhâla‘a-i sahîha-i şer‘iye ile hul‘ olduğumda ol dahi ber-vech-i muharrer hul‘-ı mezbûru ba‘de’l-kabûl hukūk-ı zevciyete ve sâire müte‘allika âmme-i de‘âvî ve kâffe-i mutâlebâtdan her birimiz âharın zimmetini ibrâ ve ıskāt edip her birimiz ber-minvâl-i muharrer âharın ibrâsını kabûl eyledik dedikde gıbbe’t-tasdîki’ş-şer‘î mâ-vaka‘a. Fî 21 min-Ca sene 1197 Şühûdü’l-hâl: Es-Seyyid Ali b. Mehmed, es-Seyyid Mehmed Ârif b. Ali, Molla Ali b. Halil, Salih b. Halil, Kemhacı Kara Mustafa b. ( ), Kemhacı Molla Mehmed b. ( ).