Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 442 Hüküm no: 493 Orijinal metin no: [71b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mimaracem mahallesinden Ayşe Hatun ile Yusuf b. Süleyman’ın boşandıkları Muhâla‘a Mahmiye-i İslâmbol’da Mi‘mâr Acem mahallesinde sâkine ve zâtı vech-i şer‘î üzere mu‘arrefe olan Âişe Hatun bt. Abdullah meclis-i şer‘-i şerîf-i enverde zevc-i dâhili işbu bâ‘isü’l-kitâb Yusuf b. Süleyman nâm kimesne mahzarında ikrâr ve takrîr-i kelâm edip mezbûr Yusuf zevcim olup lâkin beynimizde hüsn-i mu‘âşeretimiz olmayıp ben hul‘a tâlibe olduğum ecilden zevcim mezbûrun zimmetinde mütekarrer ve ma‘kūdun-aleyh olan on guruş mehr-i müeccelim ve nafaka-i iddet-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr Yusuf ile muhâla‘a-i sahîha-i şer‘iye ile hul‘ olduğumda ol dahi ber-vech-i muharrer hul‘-ı mezbûru ba‘de’l-kabûl ibrâ-i âmm-ı kātı‘u’n-nizâ‘la ibrâ ve ıskāt edip her birimiz ber-minvâl-i muharrer âharın ibrâsını kabûl eyledik dedikde gıbbe’t-tasdîki’ş-şer‘î. Fî 13 min-C sene 1197 Şühûdü’l-hâl: Molla Ali b. Halil, Salih b. Halil, Molla Mehmed b. Mustafa, Mustafa b. Mustafa ve gayruhum.