Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 463 Hüküm no: 522 Orijinal metin no: [76a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahimpaşa mahallesinden Zehra bt. Abdullah ile Ahmed b. Süleyman’ın boşandıkları Muhâla‘a Mahmiye-i İslâmbol’da İbrahim Paşa mahallesinde sâkine ve zâtı vech-i şer‘î üzere mu‘arrefe olan Zehra bt. Abdullah nâm zenciye meclis-i şer‘-i hatîrde zevc-i dâhili işbu bâ‘isü’l-kitâb es-Seyyid Ahmed b. es-Seyyid Süleyman nâm kimesne mahzarında ikrâr ve takrîr-i kelâm edip mezbûr es-Seyyid Ahmed zevcim olup lâkin beynimizde hüsn-i mu‘âşeretimiz olmamağla zimmetinde mütekarrer ve ma‘kūdun-aleyh olan on beş guruş mehr-i müeccelim ve nafaka-i iddet-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr es-Seyyid Ahmed ile muhâla‘a-i sahîha-i şer‘iye hul‘ olduğumda ol dahi ber-vech-i muharrer hul‘-ı mezbûru ba‘de’l-kabûl hukūk-ı zevciyete ve sâire müte‘allika âmme-i de‘âvîden her birimiz âharın zimmetini ibrâ ve ıskāt edip her birimiz ber-minvâl-i muharrer âharın ibrâsını kabûl eyledik dedikde gıbbe’t-tasdîki’ş-şer‘î. Fî 23 min-C sene 1197 Şühûdü’l-hâl: Molla Ali b. Halil, Salih b. Halil, el-Hâc Hasan b. Osman.