Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 467 Hüküm no: 527 Orijinal metin no: [76b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Boşanmış olan Halime bt. Mehmed ile Ali Beşe’nin küçük çocuğu Mustafa’ya nafaka takdiri Nafaka-i sagīr Mahmiye-i İslâmbol’da Uzun Yusuf mahallesinde sâkine ve zâtı vech-i şer‘î üzere mu‘arrefe olan işbu bâ‘isetü’l-kitâb Halime bt. Mehmed nâm hatun meclis-i şer‘-i şerîf-i enverde zevc-i muhâlı‘ı es-Seyyid Ali Beşe b. es-Seyyid Mustafa mahzarında takrîr-i kelâm ve bast-ı merâm edip zevc-i muhâlı‘ım mezbûr es-Seyyid Ali Beşe’nin firâşından hâsıl ve benden mütevellid hâlâ bi-hakkı’l-hıdâne hacr u terbiyemde olan sadrî sagīr oğlum es-Seyyid Mustafa’nın mâlı olmayıp nafaka ve kisveye ihtiyâcı olmağla oğlum sagīr-i mezbûrun nafaka ve kisve-bahâsı içün babası mezbûr es-Seyyid Ali Beşe üzerine kıbel-i şer‘den kadr-ı ma‘rûf meblağ farz ve takdîr olunmak bi’l-hıdâne matlûbumdur dedikde gıbbe’t-tasdîki’ş-şer‘î hâkim-i muvakkı‘-ı sadr-ı kitâb -tûbâ-lehû ve hüsnü-meâb- efendi hazretleri dahi sagīr-i mezbûrun ber-vech-i muharrer nafaka ve kisve-bahâsı içün babası mezbûr es-Seyyid Ali Beşe üzerine bi’t-terâzî târih-i kitâbdan küllü yevm dörder para farz ve takdîr edip meblağ-ı mefrûz-ı mezkûru sagīr-i mezbûrun nafaka ve kisvesine harc ü sarfa ve lede’l-iktizâ istidâneye ve inde’z-zafer babası mezbûr es-Seyyid Ali Beşe üzerine rücû‘a mezbûre Halime Hatun’a izin vermeğin mâ-vaka‘a bi’t-taleb. Fî 24 min-C sene 1197 Eş-şâhidûnü’s-sâbıkūn.