Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 494 Hüküm no: 567 Orijinal metin no: [81b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Fatma’nın evinde çalıştığı Şerife Ayşe’den çalışmasına karşılık, alacağı konusunda anlaşmaya vardıkları Ecr-i mislini da‘vâ ve meccânen fâriğa ve ibrâ Kezâlik meclis-i şer‘-i şerîf-i enverde işbu bâ‘isü’l-vesîka Şerife Fatıma bt. Ebîbekir nâm hatunun li-ebeveyn kız karındaşı tarafından husûs-ı âti’l-beyânı tasdîka vekîl olduğu nehc-i şer‘î ve tarîk-i mer‘î üzere sâbite olan mu‘arrefetü’z-zât Şerife Âişe nâm hatun mahzarında ikrâr ve takrîr-i kelâm edip bundan akdem müvekkile-i mezbûre Şerife Fatıma Hatun beni yanına alıp ba‘zı menzili hizmetinde istihdâm edip benim dahi sıgār ve kiberim hâllerinde târih-i kitâba gelince müvekkile-i mezbûre Şerife Fatıma Hatun’a on sene mikdârı hizmetim sebk etmekle sinîn-i mezkûrede eylediğim hizmetimin şer‘an lâzım gelen ecr-i mislini ben bu esnâda müvekkile-i mezbûre Şerife Fatıma Hatun’dan taleb ve da‘vâya tesaddî etmiş idim. El-hâletü hâzihî beynimizde muslihûn tavassutuyla tesaddî eylediğim da‘vâ-yı mezbûremden meccânen fâriğa olup sinîn-i mezkûrede eylediğim hizmetimin şer‘an lâzım gelen ecr-i misline ve sâire müte‘allika âmme-i de‘âvî ve kâffe-i mutâlebâtdan müvekkile-i mezbûre Şerife Fatıma Hatun ile kız karındaşı işbu vekîl-i mezbûre Şerife Âişe Hatun’dan her birininin zimmetlerini ibrâ-i âmm-ı kātı‘u’n-nizâ‘la ibrâ ve ıskāt eylediğimde onlar dahi ibrâmı kabûl eylediler dedikde gıbbe’t-tasdîki’ş-şer‘î. Fî 10 min-B sene 1197 Eş-şühûdü’s-sâbıkūn.