Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 501 Hüküm no: 574 Orijinal metin no: [83b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Davudpaşa mahallesinden Mehmed ile hanımı Şerife Fatma’nın uygunsuz hareketlerinden dolayı halkın şikâyeti Ma‘rûz-ı dâ‘î-i Devlet-i aliyyeleridir ki, İslâmbol’da Molla Gürânî mahallesi imâmı Hafız Mustafa Efendi ve müezzini Molla Halil ile sâir ahâlisinden es-Seyyid el-Hâc Mehmed Efendi ve el-Hâc Abdurrahman Ağa ve Ahmed Beyefendi ve Mehmed Ağa ve Ahmed Beşe ve Ali ve Bostânî Abdullah ve es-Seyyid Halil Efendi Davudpaşa Mahkemesi’nde meclis-i şer‘de es-Seyyid Mehmed Emin b. es-Seyyid Mustafa nâm kimesne mahzarında mezbûr es-Seyyid Mehmed ile zevcesi gāibe ani’l-meclis Şerife Fatıma bt. Mustafa nâm hatun mahallemizde sâkinler olup lâkin kendi hâllerinde olmayıp menzillerine ricâl ve nisâdan mechûlü’l-ahvâl kimesneler duhûl ve hurûc edip defa‘âtle kendülere tenbîh olundukda mütenebbihler olmayıp ol-vechile zevcân-ı mezbûrânın evzâ‘ ve etvârlarından bir dürlü emn ü rahatımız kalmayıp mahallemizden ihrâc olunmak üzere kendüye tenbîh olunmak ve murâdımız deyü bi’l-muvâcehe iştikâ ve sû-i hâlini ihbâr etmeleriyle mezbûr es-Seyyid Mehmed dahi târih-i i‘lâmdan üç güne değin zevcesi Âişe mezbûre ile mahalle-i mezbûreden çıkıp âhar mahalleye nakle ta‘ahhüd eylediği bi’l-iltimâs huzûr-ı âlîlerine i‘lâm olundu. Fî 11 Ramazan sene 1196