Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 501 Hüküm no: 575 Orijinal metin no: [83b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Anaştaş v. Andon’un Hüseyin b. Hasan’dan aldığı borca karşılık rehin verdiği eşya yangında yanmış olduğundan geri istememesi gerektiği İşbu bâ‘isü’l-i‘lâm Anaştaş v. Andon nâm zimmî Davudpaşa Mahkemesi’nde meclis-i şer‘de Hüseyin b. Hasan nâm kimesne mahzarında bundan akdem mezbûr Hüseyin yedinden istidâne ve kabz eylediğim iki guruş mukābelesinde yedimde mâlım olan on beş guruş kıymetli biri bez ve biri hilâlî iki aded gömleğimi rehin vaz‘ ve teslîm ol dahi ba‘de’l-ahz ve’l-kabz meblağ-ı mezbûru ba‘de’l-edâ rıhân-ı mezkûreyi bana teslîme mezbûr Hüseyin’e tenbîh olunmak murâdımdır deyü da‘vâ etdikde ol dahi cevâbında fi’l-vâki‘ kaziyye vech-i muharrer üzere olduğunu ikrâr lâkin rehân-ı mezkûr bu esnâda vâki‘ olan harîk-i kebîrde bilâ-ta‘ad muhterik ve zâyi‘ oldu deyücek mezbûr Hüseyin husûs-ı mezkûrda yemînle tasdîk olunur ümenâdan olmağla fi’l-hakīka mezbûr Hüseyin üzerine red ve zamandan nesne lâzım gelmediğine mezbûr Hüseyin ba‘de’t-tahlîfi’ş-şer‘î mûcebince müdde‘î-i merkūm Anaştaş zimmî rıhân-ı mezkûr mutâlebesiyle mezbûr Hüseyin’e bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 9 min-Şevvâli’l-mükerrem sene 1196