Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 505 Hüküm no: 583 Orijinal metin no: [84a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Ahmed’in boşanmış olduğu hanımı Halile’nin mehrini ödemesi gerektiği Medîne-i Ebî Eyüb Ensârî’de Dere mahallesinde sâkine ve zâtı mu‘arrefe Halile bt. Süleyman nâm hatun Davudpaşa Mahkemesi’nde meclis-i şer‘-i hatîrde zevc-i mutallıkı Seyyid Ahmed b. Mehmed nâm kimesne mahzarında mezbûr Seyyid Ahmed iki def‘a akidde müsemmâ on beş guruş mehr-i müeccel tesmiyesiyle zevc-i dâhilim ve mezbûrun firâşından hâsıl hamlim olduğu hâlde târih-i i‘lâmdan beş ay mukaddem beni tatlîk etmekle zimmetinde ma‘kūdun-aleyh olan mehr-i mezkûr on beş guruş hakkımı zevc-i mutallıkım mezbûr Seyyid Ahmed’den hâlâ taleb ederim deyü ba‘de’d-da‘vâ ve’l-istintâk mezbûr es-Seyyid Ahmed dahi ber-vech-i muharrer ikrâr ve i‘tirâf etmeğin mûcebiyle meblağ-ı mehr-i mezkûr on beş guruşu müdde‘iye-i mezbûre Halile Hatun’a edâ ve teslîme mezbûr es-Seyyid Ahmed’e tenbîh olunduğu mübâşirleri Mumcu Yusuf kulları iltimâsıyla huzûr-ı âlîlerine i‘lâm olundu. Fî-( ) min-Zilka‘de sene 1196