Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 506 Hüküm no: 584 Orijinal metin no: [84a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ortaklıkları sona eren Üstüyan v. Yorgi’nin ortağı Kosta v. Nikola’ya olan borcu ödemesi Bağçevân tâifesinden Kosta v. Nikola nâm zimmî Davudpaşa Mahkemesi’nde meclis-i şer‘de mukaddemâ şerîki Üstüyan v. Yorgi nâm zimmî muvâcehesinde yüz doksan beş guruş benim ve yüz on guruş merkūm Üstüyan zimmînin ve merkūm Üstüyan zimmî kabzımâl olduğu hâlde merkūm Üstüyan zimmî ile bağçevânlık san‘atında müddet-i ma‘lûme şerîkler olup bundan akdemce fesh-i akd-i şirket birle hesâb ve kitâbımız rü’yet ve ben asl-ı mâlım olan yüz doksan beş guruşun yüz guruşunu merkūm Üstüyan zimmî yedinden ahz ü kabz edip doksan beş guruş zimmetinde bâkī kalmağla meblağ-ı bâkī-i merkūm doksan beş guruşu merkūm Üstüyan zimmîden hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i mezbûr doksan beş guruşun edâsıyla merkūm Üstüyan zimmî ilzâm olunduğu bi’l-iltimâs huzûr-ı âlîlerine i‘lâm olundu. Fî 3 Za sene 1196