Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 506 Hüküm no: 585 Orijinal metin no: [84b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin b. Mehmed’in Borucu Osman’daki alacağını ortağı İsmail’den istemesinin muteber olmadığı İşbu bâ‘isü’l-i‘lâm Hüseyin b. Mehmed nâm kimesne Davudpaşa Mahkemesi’nde meclis-i şer‘de İsmail b. Abdullah mahzarında mezbûr İsmail’in şerîki gāib ani’l-meclis Borucu Osman nâm kimesne yedinden bundan akdem istidâne ve kabz eylediğim bir guruş deynim mukābelesinde yedimde mâlım olan yirmi guruş kıymetli bir Sakız şalımı gāib-i mezbûr Osman rehin vaz‘ ve teslîm ol dahi yedimden ba‘de’l-ahz ve’l-kabz hâlâ mezbûr İsmail gāib-i mezbûr Osman’ın mücerred şerîki olmağla meblağ-ı mezbûr bir guruşu mezbûr İsmail’e edâ birle zikr olunan şalî mezbûr İsmail’den taleb ederim deyü eylediği da‘vâsına şer‘an iltifât olunmadığı bi’l-iltimâs huzûr-ı âlîlerine i‘lâm olundu. Fî 4 Za sene 1196